Konferansê Cinîyan ê HDPyî yo ke bi şîara ''Ma azadîye de israr kenê, têkoşîn de qerardar ê'' Anqara de yeno kerdene roja diyîne de ya. Nêzdîyê 400 cinîyî tewrê konferansî bîyî.

Muneqeşaya roja dîyîne bi giranî derheqê pêşnîyazanê çareserîye yê hêrişanê vera destkewteyanê cinîyan de bîyî.

Sendîkaya Morning Star, NÛJ Chapel (Sendîkaya Rojnamegeran a Mîyanneteweyîye) mesajêkê paştdayîşî konferansî rê erşawit.

Mesaj de ame vatene: "Têkoşînê şima têna seba Kurdîstan û Tirkîya nîyo seba pêro dinya yo. Cinîyî ceyheyanê verênan ê xoverdayîşî de yê û ma zî hetê têkoşînê şima de yê. Ma sey rojnamegeranê cinîyan seba xo sey wezîfeyêk vînenê ke hetê wayanê xo de bibê.

HDP mefteyê demokrasîyî yê Tirkîya yo, qedînayîşê şerî û çareserîya kurdan o. Hêrişê vera hemserekîye hêrişê vera cinîyan ê û ma nê hêrişan şermezar kenê. Ma seba Fîgene Yuksekdag û seba cinîyanê tepişteyan têkoşînê xo dewam bikerê. Ma do nameyê şima qet xo vîrî ra nêkerê. Bi haştîye, heskerdişî û paştdayîşî. Biciwîyo HDP, biciwîyo paştdayîşê mîyanneteweyî."

Konferans dewam keno.