Serkêşîya Platformê Dezgehanê Demokratîkan de Rayraşîyayîşê Azadîye û Çareserîya Demokratîke dewam keno. Rayraşîyayîş roja diyîne de Riha de bi.

Cinîyê ke Riha ra tewrê Rayraşîyayîşê Azadîye bîyê înan ajansê ma rê qisey kerd.

Besra Delîce: Ma haştîye wazenê, cuyêka pîya wazenê. Ma wazenê ke merdimatîye wayîrê yewbînan vejîya. Vera ameyoxê ma teda û zulm est ê. Xeylê ciwanê ma tedayan ra neçare manenê ke tîya ra biramê. No rayraşîyayîş seba azadî û yewî yo. Ganî her kes tewrê ci bibo.

Îslîme Demîr: Ma wazenê ke tecrîd wa bêro wedaritene û seba haştîye gamê hewceyî bêrê eştene. Ma wazenê ke tepişteyî vera bidîyê. Ganî zulmê vera kurdan biqedo. Adresê haştîye Rayber Apo yo. Wa o azad bibo. Ganî na dewlete seba haştîye game bierza.

Zehra Mutlu: Ma seba haştîye waran de yê û şerî nêwazenê. Ma wazenê ke cade Rayber Apo bêro azadkerdene. Wa şarê ma tewrê nê rayraşîyayîşî bibo û seba haştîye erkê xo bîyaro ca.

Sureyya Şaşmaz: Seba haştîye û edaletî tewrê Rayraşîyayîşê Azadîye bîyî. Waştişê ma yo verên haştî ya. Seba caardişê haştîye ma do têkoşînî rê dewam bikerê.