Şaristanê Toronto yê Kanada de cinîyê ke Paris û Silopî de ameyî qetilkerdene hetê Komunê Cinîyan ê Azadan ê Sara û Meclîsê Şarî yê Demokratîkî yê Toronto ra bi merasîmêk ameyî yadkerdene.

Merasîm Merkezê Komelê Kurdan ê Demokratîkî de ame kerdene û Sakîne Cansiz, Leyla Şaylemez, Fîdane Dogan ê ke Paris de ameyî qetilkerdene û Sêvê Demîr, Fatma Uyar, Pakîze Nayir ê ke Silopî de ameyî qetilkerdene ameyî yadkerdene.

Gulnaze Yon Komunê Cinîyan ê Azadan ê Sara ser o qisey kerd û vat: "Ma do bi wayîrvejîyayîşî têkoşînê şehîdanê xo pîl bikerê."

Temsîlkara Têgêrayîşê Cinîyanê Kurdan ê Ewropa zî bi rayîrê telefonî merasîm de qisey kerd.

Merasîm bi mojnayîşê sînevîzyonêkê derheqê şehîdan de qedîya.