Paytextê Almanya Berlin de konferansê cinîyan ame kerdene. Konferans bi beşdarîya Buroyê Haştîye yê Cinîyan ê Kurdan ê Cenî, Feministische Organisierung Gemeinsam Kämpfen, Women Defend Rojava, KJAR û Jugendkommune, li Neues Deutschland Franz Mehrîng Platz a Berlinî de ame kerdene.

Xeylêk cinîyanê ke welatê cîyayî temsîl kerdêne konferans de qisey kerd û rewşa cinîyanê welatê xo ercnaye. 

Konferans de Rêxistina Cenî ser o Solîne Boran qisey kerd û temsîlîya cinîyan a Rojhelatê Mîyanênî ercnaye.

Roniştişê diyînî yê konferansî de zî nameyê cinîyan ê kurdan ser o Dîlare Dîrîk qisey kerd.

Konferans de nasnameyê cinîyan û derheqê milîtarîzkerdiş û şîdetê camêrdan de nîqaşê xurtî ameyî kerdene. Peynîya konferansî de cinîyan mesajê ''Ganî rêxistinî û paştdayîş bêrê pîlkerdene'' da.

Konferans bi performansê Koma Folklorî ya Kurdan qedîya.