Platformê 'Cinîyî Pîya Bihêz Ê' bi wesîleya serrgêra Erdlerzê 6ê Sibate Îzmîr û Anqara de rayraşîyayîş kerd.

Îzmîr de cinîyan pêlê defneyan akerdî û findî vistî ta. Cinîyan sloganê sey ''Ma efû nêkerê, do hesab bipersê'' û ''Hukmat îstîfa'' vatî. Cinîyan eşkerayîya xo de pare kerd ke polîtîkayanê hukmatî ra erdlerzî hende ganî girewtê. Eşkerayîye ra dima koroyê mexdûranê erdlerzî deyîrî vatî.

Anqara de cinîyan rayraşîyayîşo bêveng kerd. Polîsan rayraşîyayîşî ra ver dormeyê Peykerê Heqanê Merdiman girewt. Wekîla DEM Partî Sevîlaye Çelenk zî tewra rayraşîyayîşî bîye. Dima Emîne Akyildiz qisey kerd û vat: ''Herêmanê erdlerzî de şîdetê camêrdan zêdîya. Cinîyî do efû nêkerê, hesab bipersê.''