Cinîyî hetê Partîya Çep a Keske de cagênê

Cinîyanê Partîya Çep a Keske dîyar kerd ke nê weçînayîşî tewr zaf seba cinîyan krîtîk ê û venga pêro cinîyan ê bînan da ke Partîya Çep a Keske de bêrê pêser.

Cinîyanê Partîya Çep a Keske dîyar kerd ke nê weçînayîşî tewr zaf seba cinîyan krîtîk ê. Cinîyan ANFyî rê qisey kerd û venga pêro cinîyan ê bînan da ke Partîya Çep a Keske de bêrê pêser.

Hemvervatoxa Partîya Çep a Keske ya Anqara Gulcane Tarkan pare kerd ke cinîyî kerdoxê sîyasetî yê û vat: ''Tecrubeyê ma yê weçînayîşî est ê. Persektîfê partîya ma nê yê; edaleto ekonomîk, xoza, edaletê îklîmî, edaletê şinasîyayîşî û edaletê tewrbîyayîşî. Eke partîya ma Meclîs de bihêz biba demokrasî û komarîye resenê pê.''

Hemsereka HDPyî ya qeza Gulçîne Polat vat: ''Nê weçînayîşî seba ke ma afatê seserrî ra bixelisê û destpêkê seserra demokratîke bikerê girîng ê. Bi taybetî seba cinîyan nê weçînayîşî girîng ê. Nê afatê îqtîdarî yê 20 serrî tewr zaf cinîyî hîs kenê. Coka ganî cinîyî paştî bidê Partîya Çep a Keske.''

Yagmure Alaz Gulverene da zanayene ke a do raya bida Partîya Çep a Keske û sebebê xo wina rêz kerdî: ''Ma zanîngehan de bi çimanê xo vurîyayîşî vînenê. Zanîngehî zî îklîmî tersî yê îqtîdarî ra qayîl nîyê. Ma sey cinîyan wazenê ke Peymana Îstanbulî apey bêra û qanûnê 6284î wa bêra caardene. Coka nê weçînayîşî girîng ê. Seba ke mamostayê ma abigêrê, cînayet û îstîsmarê cinîyan biqedê û tepişteyê sîyasîyî vera bidîyê ez do raya xo bida Partîya Çep a Keske.''