Xeylêk şaristananê Ewropa de cinîyan ê kurdan çarçewa Kmpanyaya '100 Sebebê Seba Hukmkerdişê Dîktatorî' de tay çalakîyî kerdî.

Stockholm

Şaristanê Stockholmî yê Swêdî de cinîyan vengdayîşê Meclîsê Cinîyan ê Amara ser o çalakîyêke kerd. Çalakîye de fotografê cinîyanê ke hetê dewleta tirke û cerganê ci ra kişîyayî ameyî akerdene.

Kopenhag

Paytextê Danîmarka Kopenhag de Meclîsê Cinîyan ê Sêve standêk akerd û dima zî çalakîya xo kerde. Çalakîye de seba hukmkerdişê Erdoganî îmzayî arê dîyayî, vilawekî ameyî vilakerdene.

Cenevre

Cinîyan şaristanê Cenevre yê Swîsre de verê bînaya Neteweyan ê Yewbîyayeyan de nawnayîşêk kerd. Cinîyan çalakîye ra verî seba cinîyan hetê dewleta tirke û cerganê ci ra kişîyayî deqayêk rêz girewt.

Berlin

Paytextê Almanya Berlin de verê bînaya parlamentoyî de çalakîyêke ameye kerdene. Cinîyan çalakîye de seba hukmkerdişê Erdoganî îmzayî arê dayî, tecrîdê vera Rayberê Şarê Kurdî şermezar kerd û paştî daye grevê vêşanîye yê tepişteyan.

Bruksel

Paytextê Belçîka Bruksel de cinîyan ê kurdan verê bînaya Konseya Ewropa de çalakîyêke kerde. Çalakîye bi wendişê vilawekî û sloganan qedîyaye.