Cinîyê HDPyî fînalê  Kampanyaya ''Têkoşînê cinîyan her ca de yo'' semedê Gulîstane Doku ya vînîbîyaye do Dêrsim de bikerê. Hemsereka HDPyî ya Dêrsimî Nurşate Yeşîl semedê tewrbîyayîşî veng da.

Meclîsê Cinîyan ê Partîya Şaran a Demokratîke (HDP)  aşmêke verê cu bi sloganê ''vera îstîsmar, înfaz, qeyûm  ma estî, têkoşînê cinîyan her ca de yo'' dest pê kampanyayêke kerdbi. Cinîyanê ke xeylêk bajaran de çalakîyî kerdî û fînalê kampanya seba ke bale binance rewşa Gulîstane Duku ser do Dêrsim de bikerê.

Hemsereka HDPyî ya Dêrsimî Nurşate Yeşîl veng da cinîyan ke wa siba saete 13:00 de Kuçeyê Sanatî de bêrê pêser. Yeşîle vist vîrî ke bi aşmeno derheqê aqibetê Gulîstane Doku de zanayîş nêno girewtene û vat: Têna serê xokiştişî de vindene la gerek roja verêne ra babete sey cînayet û remanyîş biameyêne destgirewtene. Gulîstane Doku a verêne nîya ke çîyo wînayên yeno ser la a bîye sembole. Naye de rolê keyeyê ci û têkoşînê cinîyan esto. Ma do destûr medê ke ê serê naye bîgêrê. Vengdayîşê ma cinîyan rê oyo ke wa siba  vera şîdet û qirkerdişê vera cinîyan vejîyê kuçeyan.