Platfomê Ma Do Verê Kiştişê Cinîyan Bigêrê (KCDP) raporê xo yê menga gulane eşkera kerd. Goreyê raporê KCDPyî menga gulane de 40 cinîyî ameyî qetilkerdene û 22 cinîyan bi hawayêkê şikdarî dinyaya xo bedilnaye.

Goreyê raporî 12 cinîyî hetê camêrdanê ke tede zewijnaye bîyê ra, 8 cinîyî hetê camêrdanê nenasan ra, 7 cinîyî hetê camêrdanê ke verê cû tede zewijnaye bîyê ra, 7 cinîyî hetê camêrdanê ke verê cû tede embazîye kerdêne ra, 3 cinîyî hetê camêrdanê ke tira cîya bîyê ra, 3 cinîyî hetê camêrdanê ke lajê înan ra bîyê ra, 2 cinîyî hetê birayanê xo ra û 2 cinîyî hetê merdimanê xo ra ameyî qetilkerdene.