Serra 2011î de şayîya Newroze ra dima Êlih de şarî rayraşîyayîşêk kerdbi. Polîsan hêrişê rayraşîyayîşî kerdbi. Menîce Îş rayraşîyayîş de amebî destendkerdene û hetê Mehkemeya Cezaya Girane ya Êlihî ra bi îdîaya 'endama rêxistine nîya la nameyê rêxistine ser o sûc kerdo' ci rê cezaya zîndanî ya 3 serran û 9 mengan daye.

Menîce Îş 4ê kanûne de sereştişê keyeyê ci de ameye tepiştene û erşawîyaye Zîndanê Êlihî.

Menîce dadîya 3 domanan a û înan ra yew zî serrêk a. Hetê bînî ra Menîce de nêweşîya kronîke zî esta.