Dayîkan gerreyê polîsan kerd

Dayîkê tepişteyan ê ke Gebze de polîsê Tirkî hêrişê înan kenê, gerre kerd. Dayîkan vat, “Çalakîyê ma do dewam bikerê.”

Dayîkê ke Gebze de seba wayîrvejîyayîşê domananê xo yê ke grevê vêşanîye û rojeyê mergî de yê çalakîyan kenê, benê hedefê hêrişanê polîsanê Tirkî. Dayîkan Edlîyeya Kocaelî de ewro gerreyê polîsanê Tirkî kerd.

 Dayîkan vernîya edlîye de eşkerayîye daye û hêrişê polîsan ê bi kîn û nefretî şermezar kerdî. Dayîkan ard ziwan, çalakîyê înan do dewam bikerê û vat, nê hêrişî seba binkerdişê çalakîyanê înan yenê kerdene. Parlamentera HDP'yî ya Riha Ayşe Surucu zî ard ziwan, hêrişê ke vera dayîkan yenê kerdene tewirê hukmatî yê vera şarê Kurdî mojneno.