Vera hêrişanê dewleta tirke ya îşxalkere û çeteyanê ci yê SMOyî yê vera Rojawanî qezaya Nisêbînî ya Mêrdîn de sînorê Qamişloyî de çalakîya nobete ke dîyaye destpêkerdene, dewam kena.

Dayîkê ke tewrê çalakîyan nobete ya sînorî bîyî, ANFyî rê qisey kerd.

Saide Yardim: Ez Êlihî ra semedê haştîye û yewîye ameya. Ma nêwezanê wa kesêk bimiro. Zerrîya ma dayîkan vêşena. Ma semedê Rojawanî tîya de yê. Ma şer nêwazenê, têna haştîye wazenê. Rojawan xeta ma ya sor a. Adresê çareserîye Rayber Apo yo. Ma wazenê wa bêrê haştîye abê.

Maşallah Kaya: Ma hêvî kenê ke pêvînayîşê bi Rayberîye wa haştîye bîyarî. Kurd û tirkî eşkenê mîyanê haştîye de biciwîyê. Ma nêwazenê wa hinî mergî bibê, ma nêwazenê wa şer dewam bikero. Wa hêrişê vera Rojawanî helêkê cuwa ver biqedîyê. Wa semedê haştîye Rayberê ma reyde ronişê.

Fatma Kaplan: Hinî dişmenî rê bawerîya ma çîn a. Eke haştîye wazenê wa şirê Rayber Apoyî reyde bikerê. Wa bêrê Rayberîya ma bêrê akerdene. Rayberê ma haştîye û edalet wazeno. Ê zî ma rê destê xo kenê derg û peynî ra ma kişenê.