Demê destbendkerdişê 4 hemşaredaran ame dergkerdene
Hemşaredarê Dêrik, Şemrex , Stewr û Pirsusî yê HDPyî yê ke şaredarîyê înan hetê AKPyî ra ameyî destsernayene û ameyî destbendkerdene, demê destbendkerdişê înan ame dergkerdene.
Hemşaredara Partîya Şaran a Demokratîke (HDP) ya Stewrî Gulîstane Oncu, Hemşaredara Şemrexî Nalane Ozaydin û Hemşaredara Dêrikî Mulkîye Esmez ê ke 15ê teşrîna peyêne de ameybî destbenkerdene, demê destbendkerdişê înan seba 4 rojan ame dergkerdene.
Hetê bînî ra Hemşaredara Qezaya Pirsusî ya Riha ya Partîya Şaran a Demokratîke (HDP) Hatîce Çevîk a ke heman roje de ameyebî destbendkerdene, demê destbendkerdişê aye zî seba 2 rojan ame dergkerdene.
Badê destbendkerdişî hemşaredarî cade karî ra ameybî dûrfînayene û herinda înan de qeyûm amebi cakerdene.
