Dêrsim de taxa Ataturkî de camêrdê bi nameyê Huseyîn Platî cinîyê karkerî tacîz kerdbî. Endamanê Platformê Cinîyan ê Dêrsimî 6ê teşrîna peyêne de waşt ke tacîz bi eşkerayîyêke protesto bikerê. La polîsan cinîyan rê mudaxele kerdbi.

Nê 15 cinîyanê Platformî rê bi bahaneya ke goreyê mesafeya fîzîkî tênêgêrayê 3 hezar û 150 lîra cezaya pere dîyaye.

Serdozgerîya Komare ya Dêrsimî zî bi îdîaya 'veravejîyayîşê polîsan' û ' qedexeyê çalakî û aktîvîteyan' derheqê 15 cinîyan de tehqîqatêk akerd. Venga cinîyan ame dayene ke îfade bidê.