Tarîxê Kurdîstan û PKKyî de zaf destanê çerîye estê. Gerîlaya YJA-Starî Sarîne Dîcle zî mîyanê têkoşînî de destanêk nuşt. Embazanê ci yê têkoşînî qala destanê Sarîne (Sînema Unver) kerde.

Sîneme Unver serra 1993î de qezaya Qilabanî ya Şirnexî de dadîya xo ra bîya. Hema ke Sîneme doman bîye keyeyê ci tedaya dewlete ra hewilîyeno Wan.

Fekê Sîneme ra dewamê hîkaye wina yo: ''Keyeyê mi welatperwer bi. Wexto ke mi fîlmê Bêrîtane yê embaz Xelîl Dagî seyr kerd xoverdayîşê embaze Bêrîtane mi rê zaf tesîr kerd. Coka seba ke ez oxirê Rayber Apoyî de şer bikera pa 4 embazanê xo 2009 de tewrê gerîlayan bîya.'' Sîneme xo rê nameyê 'Sarîne' girewt.

Sarya Adar wina qala Sarîne kena: ''Sarîne bi kelecanêkê pîlî verê xo dabi Kurdîstanî. Tim pê heskerdişê koyan karê xo kerdêne. Rixmo ke koyan de a newe bîye reyna zî pê jîhatî kar kerdêne.''

Rênas Çîçek vat: ''Embaze Sarîne pê tewirê xo yê radîkalî, pê raştîya rêxistine embazanê xo rê bîye mîsal. Her şewdir ma spor û perwerdeyê komanoyan dîyêne. Rixmo ke nê hende zemet bîyî embaze Sarîne qet tira fek nêverda. Nê zaf tesîrê mi kerd. O çax mi fam kerd ke embaze Sarîne wayîrê îradeyêkê bihêzî ya û girêdayeya armancanê xo ya.''

Amara Gever vat: ''Embaze Sarîne herêma Arê de fermandara ma bîye. Birayê embaze Sarîne Qirkerdişê Roboskî de şehîd bibi. Wexto ke aye xebera birayê xo televîzyonî ra girewte ma pêro pê gonîserdînîya ci mat mendî. Aye vatêne a do hesabê dejê dadîyan dişmenî ra bipersa. A tim sey milîtanêka Rayberîye tewra cuye bîye.''

Întîkam Welatî vat: ''29ê temmuze de Girê Sênalka yê herêma Xakûrkê de ma pîya bibî. Dişmen amebi girê ma. Embaze Sarîne pê tewirê xo destan nuşt. Ma pêroyînan aye ra hêz girewt. A pê ganîkerdişê ruhê Bêrîtane destanêkê xoverdayîşî bîye.''

Rêbêr Çîçekî vat: ''Herêma operasyonî de ma nêzdîyê girê embaze Sarîne bibî. Embaze Sarîne vera dişmenî çeka BKCyî şuxilnaye. Pê BKCyî destpêk de 8 leşkerî kişîyayî. Dima şer giran bi û pa embaze Sarîne zaf embazî birîndar bîyî. Embaze Sarîne vatêne 'Se beno wa bibo la no gir do nêkewo.' Embaz Sarîne rixmê hende teknîkê dişmenî, milîtanîya raştikêne mojnaye. Embaze Sarîne Hemleya Şemzînanî de pê destanê xo yê xoverdayîşî sey çêrêka pîle pê tilîlîyanê xo bîye sembola bêmergîye.''