Meclîsê Cinîyan ê HEDEPî verê Kampusê Zîndanî de ke tede Dewaya Kobanê yena kerdene, eşkerayîya çapemenîye daye.

Wekîlê HEDEPî, temsîlkarê OHD, ÎHD, Mayê Haştîye û xeylêk cinîyî tewrê eşkerayîye bîyî. 

Vervatoxa Meclîsê Cinîyan ê HEDEPî Halîde Turkoglu eşkerayîye wende. Halîde Turkoglu bale ante ser ke Dewaya Kobanê vurîyaya 'dewaya dafike û qesasî' û vat: ''Na dewa vera têkoşînê cinîyan, vera têkoşînê azadîye yê şaran dişmenîye kena. Na dewa netîceya tedaya îqtîdarê sîyasîyî de ameye akerdene. Ma şahîd ê ke na dewa dewaya sexte ya.

Kobanê de merdiman vera DAÎŞî heqê xo yê ciwîyayîşî pawit. Têkoşînê vera DAÎŞî sûc nîyo. Ma do têkoşînê xo rê dewam bikerê, na dewa teşhîr bikerê û seba ke îqtîdaro ke sûcdaro raştikên o, bêro muhakemekerdene dewa teqîb bikerê.''