Qezaya Alsancakî ya Îzmîrî de 15ê kanûna 2019î de bi seyan cinîyan vera qirkerdişê cinîyan pê dansê Las Tesîsî çalakîya protestoyî kerdbi. Çalakîye ra semed 24 cinîyî ameybî destbendkerdee.

Roniştoxo verên ê dewaya cinîyan Mehkemeya Cezaya Aslî ya Îzmîrî de ame kerdene. Roniştişî ra verî rêxistinanê cinîyan eşkerayîyêke daye û ard ziwan ke seba ke Peymana Îstanbulî nêna caardene cinîyî yenê qetilkerdene.

24 cinîyan ra 13 tenî pê avûkatanê xo tewrê mehkeme bîyî. Cinîyan roniştiş de da zanayene ke Şîlî de dima ke polîsan hunermende Danieale Carrasco rê tecawuz kerde û a qetil kerde seba ke bale bêra antene qirkerdişê cinîyan ser dansê Las Tesisî pêro dinya de ame kerdene.

Roniştiş taloqê 28ê nîsane ame kerdene.