Komîteya Rayberdişî ya  Kampanyaya 'Cinîyî Rojawan Pawenê' eşkerayîyêk daye û bale ante serê planan û îşxalkarîya dewleta Tirkî ya serê Vakur û Rojakewtena Sûrîye.

Eşkerayîye de ame vatene: "Peymana ke mabênê Tirkîya û DYA de ya, yena meneya qirkerdişo etnîk ê Vakur û Rojakewtena Sûrîye. Mîsalê nê zî hêrişê qirkerdişî û sucê şerî yê dewleta Tirkîya yê. Bi taybetî  herêma mabênê Til Temir û Kobanê de hêrişê Tirkî û hemkaranê aye yê çeteyanê El Nûsra û DAÎŞ'î bambardûman, dormegirewtiş û talan kerdî. 200 sivîlî ameyî qetilkerdene, bi seyan sivîlî birîndar bîyî û bi hezaran zî neçar mendî ke koç bikê. Dimayê taqîbkerdişê bedenanê brîndaran vejîyayo meydan ke dewleta Tirkî hêrişan de çekê kîmyewî, fosfora sipîye xebitnayî. La reyna zî hêzê îşxalkarî nêeşkê xoverdayîşê cinîyan û Rojawanî bişiknê. "

Eşkerayîye de ame vîrvistene ke hetê DYA û Tirkîya ra peymana 'adirbirnayîşî' kewto dewre û no ame vatene: "Saete ra ke adirbirnayîş ame îmzakerdene, tewr nêame caardene. Eşkera yo ke dewleta Tirkî û çeteyê aye seba ke qirkerdiş û şeranê neweyan bikê amadekarîya newîye kenê. Heta ke ma nê qirkerdişan û plananê îşxalkarîye biwedarê, ma do çalakîyanê xo rê dewam bikê. Bi taybetî seba ke tayê rewşî ke cor de yenê mojnayene, bêrê caardene, ma do Konseya Asayîşî ya Neteweyê Yewbîyayeyî, pêroyê hukmatan, pêroyê dezgehanê wezîfedaran ser tedaye bikê. Ganî seba pawitişê şaranê Vakur û Rojakewtena Sûrîye gama tewr verêne û lezabeze bêra eştene na ya ke qedexekerdişê perayîşê teyarayan a. Ganî lezabezî Dewleta Tirkî îşxalkarîya xo ya serê Vakur û Rojakewtena Sûrîye bivindarne. Qirkerdişê etnîkî, sucanê şerîyê ke hetê dewleta Tirkî û çeteyanê aye ra ameyî kerdene, ra bivejîyê ver.''