Qezaya Cizîrî ya Şirnexî de 5 temmuze de Selamet Mate (56) sereştişê keyeyê ci de ameye tepiştene. Rixmê xeylê nêweşîyanê ci hewteyêk zîndan de dermanê aye nêdîya ci. Selamete bîye xidar û sewqê nêweşxaneyî bîye. Nêweşxaneyê Dewlete yê Şirnexî de 4 rojî kelepçeyana tedawî dîye.

Veyva Selamete, Hulya daye zanayene ke seba ke Dadîya aye koguşê xoseran qebul nêkerdo garîdîyanan heqaretê aye kerdo û wina domaye: "Dadiya mi nêweş a, xeylê nêweşîyê ci estî. La goreyê vatişanê aye zere de gardîyanî û îdareyê zîndanê sey dişmenî nizdîyê aye benî. Dermano ke ganî roje de di reyî bigêra, doktorê revîrî ci nêdayî û aya mergî rê terk kerda."

Pero bîn ra goreyê zanayîşan gardîyanê camêrdî bêdestûr şinê koguşê cinîyan, dolabanê înan kenî têmîyan, çêk-çolê înan şiknenî û rişnenê. Cinîyê ke vera naye de vejîyayî, gardîyanan înan rê nengî çînayî, bi heqaretkerdişî derb kerdî.