Jinnews  pê xebera xo ya bi serrnameyê 'Kercews de tehqîqatê tecawuzî: Çawişo pispor, polîs, qoricî tede 27 kesî estê' rayaumûmîye de xeylêk vengî vetî. Mudirîya Asayîşî, Walîtîya Êlihî û Serdozgerîya Komare ya Êlihî nêrazîbîyayîşan ra dima eşkerayîyî dayî la herinda fa3ilan de xebere kerde hedef.

Mudirîya Asayîşî ya Êlihî derheqê 27 kesan de ke medyaya dîjîtale de serebût da pêhesnayene tehqîqat akerd.

Walîtîya Êlihî zî eşkerayîya xo de heman kesî hedef kerdî û vat ke nê kesan rixmê 'qedexeyê weşanî' xebere vila kerde.

Serdozgerîya Komare ya Êlihî serebût sey 'îdîayêke' pênase kerd û vat ke serebûto winasên çin o.

Wezaretê Keyeyan zî da zanayene ke înan domane berde cayêkê bînî.