Goreyê aganîyanê ke ameyê girewtene taxa Kozluyaziyî ya qezaya Şehîtkamîlî ya Dîlokî de cinîya bi nameyê Y.K. keyeyê xo de bi hawayêkê şikdarî dinyaya xo bedilnaya.

Dima ke keyeyî ra vengê çekan eşnawîyayê ekîbê weşîye şîyî cayê serebûtî. Dîya zanayene ke dadîya hîrê domanan Y.K. çira merda. Derheqê serebûtî de tehqîqat dîya destpêkerdene.

Tirkîya de derheqê sûcanê şîdetî yê vera cinîyan de polîtîkayê bêcezaverdayîşî yenê caardene coka her menge bi desan cinîyî ya yenê qetilkerdene yan zî bi hawayêkê şikdarî dinyaya xo bedilnenê.

Goreyê çeteleya şîdetî ya JINNEWSî êlule de 31 cinîyî û 5 domanî ameyê qetilkerdene, 15 cinîyan û 3 domanan zî bi hawayêkê şikdarî dinyaya xo bedilnaya.