Dîlok, Meletî û Îstanbul de 3 cinîyî ameyî qetilkerdene

Dîlok, Meletî û Îstanbul de 3 cinîyî hetê camêrddan ra ameyî qetilkerdene.

Dîlok, Meletî û Îstanbul de 3 cinîyî hetê camêrdan ra ameyî qetilkerdene. Camêrdanê ke cinîyî qetilkerdî laj, mêrde û waştîyê înan ê.

Dîlok

Qezaya Îslahiye ya Dîlok de camêrdo bi nameyê Ugur Donmezî dayîka xo Vesîle Donmez pê çeke mirênaye. Donmez ame destbendkerdene.

Meletî

Taxa Bostanbaşi ya Meletî de camêrdo bi nameyê Mehmet Taşî cinîya xo Sevda Taş pê çeke mirênaye.Taş ame destbendkerdene.

Îstanbul

Qezaya Maltepe ya Îstanbulî de camêrdo bi nameyê Kemal Delbe  Alîn Sozera ke unîversîteyêke taybete de sey wezîfedara perwerdeyî gureyayêne bi vêşnayîşî qetil kerde. Dalbeyo ke yeno îdîakerdene ke waştîyo verên ê  Sozere o, ame destbendkerdene.