Serrêke ra nata şarê Rojawanî hedefê hêrişanê dewleta tirke û cerganê ci de yê. Rûsya rixmo ke garantora peymana adirbirnayîşî ya vera hêrişan bêveng a.

Hemwelatîyê dewa Dirdarî yê Hesekê derheqê hêrişan û serra newîye de Jinnewsî rê qisey kerd.

Metra El-Hemada 70 serre ya ke hêrişêk de birîndar bîye vat: ''Vizêr nê saetan de bombayî erzîyayî û ma pê zorî ganê xo xelisna. Ma rayîr de bîyî û nêzdîyê ma de bomba teqaye. Seba ke ez vadaya ez ginaye erdî ro.  Ma mîyanê nê şer û tersî de senî serra newîye fîraz bikerê? Ma hêvî kenê ke hînî no şer vindero û ma reyna abigêrê cuya xo ya verêne.'' 

Emîra El-Erna pa tutanê xo herra xo û keyeyê xo ra fek vera nêdaya. Emîra wina vat: "Serra 2020 ma pê îşxal, bombarduman, şer û koçberî derbaz kerde. Dinya pê şayîyan ma pê top û obusanê dewleta tirke û cerganê ci serra newîye pêşwazî kenê. Ma serra newîye ra pawenê ke wa hînî aramîye bêra.''