Gerîlaya YJA-Starî Dîroke Cûdî 2017 de şaristanê Qamişloyî yê Rojawanê Kurdîstanî ra tewrê PKKyî bîye. Keyeyê Dîroke PDKyîj bi. Verî ke Dîroke tewra biba Başûrê Kurdîstanî de perwerdeyê pêşmergetîye dî. Nê perwerdeyî ra dima Dîroke derheqê nakokîyanê kurdayetîye de cigêraye.

Dîroke Cûdî qala serebûtanê xo wina kerde:

''Keyeyê mi terefgîrê PDKyî yo. Kekê mi hema zî pêşmerge yo. Mi vatêne PDK seba erdê Kurdîstanî û şarê ma şer keno. Coka mi PDK sey welatperwer pênase kerdêne. Serra 2014î de mi bire daye ke ez biba pêşmerge û mi Başûr de perwerde dî. Dima ez agêraye Rojawanî. Mi perwerde de fam kerd ke pêşmergeyî cinîyan cêr vînenê. Nê ez ecîz kerd. Rixmo ke ma sey cinîyan zaf kede dayêne keda ma nêdîyayêne.

Mi paradîgmaya Rayber Apoyî û cîyakerîya PDKyî Şorişê Rojawanî de nêzdî ra dîyî. PDK dewleta tirke ra hemkarîye keno. PDK nêeşkeno kurdan azad bikero. Başûr hetê hêzanê emperyalan ra ame îşxalkerdene. Başûr de her kes bêkar o, hemwelatîyî verê xo danê Ewropa. Perwerde de ameyêne vatene ke sebebê îşxalê Başûrî PKK yo. Dima ke mi Rayber Apo şinasna, mi dest pê cigêrayîşê PKKyî kerd. Mi dî ke PKK têna têgêrayîşê kurdan nê têgêrayîşê merdimîye yo. Seba ke ez PKK nêzdî ra bişinasna 2017 de mi verê xo da koyanê Kurdîstanî.

Mi tim persa ke ez senî eşkena bina cinîyêka Apogîre. PKK her babete de cewab dano persanê merdiman. Koyan de mi zêdêr cewherê cinîyan şinasna. Merdimê ke wazenê cewherê PKKyî bişinasnê wa verê xo bidê koyan. Kesê ke wazenê azad bibê  û azadîya şaran wazenê wa verê xo bidê koyanê Kurdîstanî.''