Vîrê erdî esto, vîrê ma esto, vîrê Kurdîstanî esto. Kesêk/e çîyêk xo vîrî ra nêkeno/a...Wa to rê rîyê pêro hasmên û erdî akerde bê Doga. Rayîrê to akerde bo!

Name gerîlayan de zaf çîyan îfade keno. Gerîlayî tewr zaf na babete de zehmetîyan ancenê. Fikirîyenê vanê ê kamyew name bigêrê. Têkoşer, Rêber, Azîme, Zelal, Mihrîban, Cemal, Kemal, Hakî, Hogir, Besê, Zarîfe, Hewreman, Canfeda, Çiyager...Gerîla Doga Zîlan nameyo manadar weçîna û tim layîqa na dewa bîye. Doga Zîlane wexto ke kewte rayîrê azadîye nameyê ci Dîroke (Tarîx) bi. Pê keda xo, xo newe ra aferna û tarîx de nameyê ci ca girewt. Serra 2015-2016î de şaristananê Kurdîstanî de ciwanan şorişê efsanewî afernayî. Nê şorişî de cinîyêke vejîyaye vernî; Doga Jiyan. Gerîla Doga Zîlane seba ke xeyalanê Doga Jîyan bida ciwîyayene  nameyê aye girewt û kewta rayîr. Gerîla Dîroke bi cuya di fedayîyan bîye raştîyêka tarîxî. 

Doga Zîlane bîye hêzo verên ê hewayî yê gerîlayan, PKK, dewaya Kurdîstanî, kurdan. Doga Zîlane bîye wayîra rûmetî. Têkoşînê Azadîya Cinîyan de nameyê xo de di cinîyê fedakarî ardî têhet. Gerîla Dîroke dima nameyê xo de 3 cinîyê fedayîyî ardî têhet. Çîyo ke nameyê gerîlayan ser o tim waştêne ard ca. A resa estareyan û bîye şehîda verêne ya hêzanê hewayî yê gerîlayan.

Doga Zîlan tarîxê Kurdîstabî bîye helîya çimkewe ya ke hewayî ra derbê giranî dayî dişmenî ro. Coka di hêzî do qet Doga Zîlan xo vîrî ra nêkerê; embazê ci gerîlayî û dişmen.