Merkezê Îrtîbatî û Çapemenîye yê HPGyî bi eşkerayîyêke da zanayene ke Yewinanê Pawitişê Hewayî yê Şehîde Delale Amed şehîda xo ya verêne daye.

Eşkerayîya HPGyî wina ya:

''12ê temmuze de Heftanîn de çalakîya bi hacetê hewayî ya vera artêşa TCyî ya îşxalkere de embaza ma Doga Zîlane şehîd bîye. Embaza ma Doga şehîda verêne ya Yewinanê Pawitişê Hewayî ya Şehîde Delale Amed a. Zanayîşê derheqê nasnameyê embaza ma Doga Zîlane de wina ya:

Nameyê Qodî: Doga Zîlan Name û Peyname: Hediye Çerçî Cayê Bîyayîşî: Mûş Maye-Pî: Perîhane-Eşref Tarîx û Cayê Şehadetî 12ê Temmuza 2020î / Heftanîn

Embaza ma Doga serra 1994î de qezaya Kopî ya Mûşî de dadîya xo ra bîya. Embaze Doga keyeyêkê welatperwerî de bîye pîl û bi hêrsê Gelîya Zîlane û Agirî wayîrê mîrasê şarê xo vejîyaye. Keyeyê aye netîceya polîtîkayanê zorbazan ê dewlete de neçare mend ke koçê metropolî bikero. Embaze Doga vera polîtîkayanê asîmîlasyonî verê xo da koyan û hêrsê xo mojna. Serra 2015î de prosesê xoverdayîşê Kobanê de embaze Doga cewab da vengdayîşê seferberîye yê Rayber Apoyî û perwerîya xo ya seba Rayber Apoyî û embazan mojnaye.

Embaze Doga heta şehadetê xo tim armanc kerd ke armancê Rayberîye û şehîdan bîyara ca. Bi nê hawayî tim vernî de bi tewir û tewrbîyayîşê xo bîye mîsalê fedayîtîye. Embaze Doga bi şîarê 'Zîlane fermandara ma ya' yê Rayber Apoyî xeta Zîlane de verê xo da serkewtişî û vera teknîkê modernî bîye wayîra tewirê gerîlaya modernîteya demokratîke. Embaze Doga bi tewirê xo yê zelalî bîye milîtana ruhê fedayî.

Embaze Doga peynî de vera îşxalê dişmenî bêcewab nêmende û taktîk û stratejîya prosesî kesayetê xo de gêşêr kerdî. Nê esasî ser o şewa 12ê temmuze Girê Şehîde Berîvane yê Heftanînî de bi hacetêkê hewayî yê bomba çalakîyêka serkewte kerde û na çalakîye de şehîd bîye.

Ma sere de keyeyê ci yê erjîyayeyî rê pêro şarê Kurdîstanî yê welatperwerî rê serweşîye wazenê. Ma sey teqîbkerdoxanê embaze Doga bi qerardarî û îdîaya xo, bi ruhê qesas û serkewtişî, têkoşîn do pîl bikerê û sey Doga û Zîlananê ke zerrîya dişmenî de teqayî, biciwîyê.''