Akademîsyena lubnanije Dr. Nelly Jazraya ke binê sîwana Komîsyonê Ewropa de xebitîyena nuştoxa kitabê ‘Têkoşînê Cinîyan’ nuştibi. Kitab de aye bale antibi xoverdayîşê cinîyan ê kurdan ser.

Dr. Nelly Jazra ajansê ma rê qisey kerd.

Dr. Nelly Jazra ard ziwan ke têkoşînê şarê kurdî xeylê wext dewam kerd û cinîyê kurdî zî tim tewrê nê têkoşînî bîyî. Dr. Nelly Jazra vat: ‘’Ez kitabê xo de bi taybetî bala xo dana ney ser ke cinîyan ê kurdan xo rêxistin kerd û seba heqanê xo têkoşîn kerd. Cinîyê kurdî bi têkoşînê xo bîyî mîsalê dinya. 

Cinîyan ê kurdan tena dest nêeşt çekan, ê hê komelî zî vurnenê. Cinîyê kurdî wazenê ke estbîyayîşê xo bidê qebulkerdene.’’

Dr. Nelly Jazra derheqê xoverdayîşê cinîyan ê Îranî û Rojhelatê Kurdîstanî de vat: ‘’Rewşa cinîyanê Îranî zehmet a la ê zaf cesur ê. Qetilkerdişê Jîna Emînî bi sebeb ke têgêrayîşêko xurt dest pêbikero û bêşêkê şarî yo pîl paştî dano nê têgêrayîşî. Cinîyî vera seregirewtişî sere wedarnenê. Têkoşînê cinîyan dewam keno.’’

Dr. Nelly Jazra peynîya qiseykerdişê xo de îfade kerd ke heqê cinîyan ê Rojawanê Kurdîstanî vera teda û serewarardişî eşkenê ameyoxê cinîyan ê Sûrîye rê bibê mîsal.