Bjarê Dusseldorfî yê Almanya de operasyonê qirkerdişê sîyasîyî yê dewleta tirke  yê vera HDPyî û hêrişê vera cinîyan ameyî şermezarkerdene. Hemleya ‘‘Wextê ci Ame‘‘ zî ameye selamkerdene.

Çalakîya ke hetê NRW YJK-E ra ameye organîzekerdene zafê înan cinîyî bi seyan kurdîstanijî û dostê înan tewrê ci bîyî. Parlamentera HDPyî ya verêne Nursele Aydogan ke çalakî de qisey kerd vat: ''No hêrişo verên nîyo do peyên zî mebo la ma tim binê hêrişan ra jîhatêr vejîyayî. Narey zî do têkoşîn bêro pîlkerdene.''

Vilaweka TJK-E de zî bale ameye antene polîtîkaya hêrişkare ya îqtîdarê AKP-MHPyî yê vera cinîyan û kurdan ser û ame vatene ke ke  ganî çarewa hemleya 'Wextê ci Ame' de têkoşîn bêro pîlkerdene.

Çalakî bi slogananê seba azadîya Rayberê Şarê Kurdî Abdullah Ocalan û tepişteyanê sîyasîyan qedîyaye.