Bi wesîleya 25ê Teşrîna Peyêne Roja Têkoşînê Vera Şîdetê Serê bajarê Dusseldorfî yê Almanya û paytextê Swîsre Bern de de cinîyan ê kurdan û grûbanê cinîyan ê bînan pîya çalakî kerde.

Duselldorf de mîtîngo ke hetanê cîya cîyayan ra cinîyî tewrê ci bîyî de bale ameye ser antene ke her hetê komelî ra cinîyî raştê şîdetî yenê û ame vatene ke netewa cinîyan ganî bibo yew. Eşkerayîye de ame vatene ke têkoşînê wayanê Mîrabelan ewro şexsê cinîyan ê kurdan ganî bîyo.

Bern de zî serkêşîya Meclîsê Cinîyan ê Mizgîne de çalakîye ameye kerdene. Çalakîya 25ê Teşrîna Peyêne emser Berjîne Zenda (Ayşa Demir) a 7ê temmuze ya 2021î de bombardumanê dewleta tirke de şehîde bîye rê ameye dîyarîkerdene. Cinîyan vat ê do rixmê heme hêrişan çirey çok medê û tim wayîrê heqanê xo vejîyê.