Şaredarê Îstanbulî Ekrem Îmamogluyo ke vizêr dîplomaya ci ya unîversîte amebî betalkerdene ame destbendkerdene.

Wekîlê CHPyî û Serekwekîlê Koma CHPyî Gokhan Gunaydin hesabanê xo yê medyaya dîjîtale de vat: ‘’Hêzanê asayîşî bi 20 wesayîtan Îmamoglu destbend kerd.’’

Ekrem Îmamoglu gama ke ame destbendkerdene mesajo bi dîmen da û nê vatî: ''Çengêkê aqilî ke keno îradeyê şarê ma xesp bikero polîsê mi zî semedê na xirabîye şuxulnaye û bi seyan polîsî ardî verê bêrê 16 mîlyon îstanbulijan. Ma bi zorbayîyêka pîle rî bi rî yê la nê bizanê ka ma do xover bidê. Ez şima perûne ra zaf hes kena, xo emanetê şarê xo kena. Ez do vera ê kesî û aqilê ci ke nê prosesî sey aparat şuxulneo, têkoşînê xo bidomnê.''

Serdozgerîya Komare ya Îstanbulî pare kerd ke Îmamoglu îdîayanê ''endamî û îdarekarîya şebekeya sûcan, ruşwet, îhale de dekûdolab, destvistişê doneyanê şexsîyan'' ameyo destbendkerdene. Serdozgerîye seba Îmamogluyî îfadeyê ''lîderê rêxistina sûcan'' şuxilna.

Serdozgerîya Komare ya Îstanbulî derheqê desbendkerdişê Ekrem Îmamoglu û tay îdarekaranê şaredarî de eşkerayîya bîne daye û îdîa kerd sebebê destbendkerdişî prosesê ''Pêkerdişê Bajarî'' û KCK yê.

Serdozgerîye îdîa kerd kerd ke Îmamogulu bi xebatanê ''Pêkerdişê Bajarî'' û hetkarîya rêxistine kerda û sebebê destbedkerdişê ci no yo.

Eşkerayîye de ame îdakerdene ke tay kesê ke Şaredarîya Îstanbulî qezayan de xebityenê pabesteyê rêxistene yê.