Gerîlayanê YJA-Starî Berçeme Gever û Gelavêje Saqiz ANFyî rê qisey kerd û şehîdê Qirkerdişê Parisî Sakîne Cansiz (Sara), Fîdane Dogan (Rojbîne) û Leyla Şaylemez (Ronahîye) yad kerdî.

Gerîla Berçeme Gever vat: ''Ma ewro xeta embaze Sara de bi îrade û bawerîyêka pîle têgêrenê. Embaze Sara sembola xeta cinîya azade, îrade, hêz û bawerîye bîye. Xoverdayîş û têkoşînê embaze Sara ma rê nimûneyê pîlî yê. Ma ewro xêrê keda embaze Sara ra têkoşînêkê hende xurtî kenê. Ma sey gerîlayan têkoşînê embaze Sara danê dewamkerdene. Ganî ma bibê teqîbkerê embaze Sara û Rayber Apoyî.''

Gerîla Gelavêj Saqiz vat: ''Wexto ke ma qala embaze Sara kenê têkoşînê ci yê xeta cinîya azade yeno ma vîrî. Embaze Sara sey cinîyêka azade mojna ma ra ke ma senî têkoşîn bikerê û biciwîyê. Embaze Sara heqê pêro zehmetîyan ra ameye. Ewro koyan de bi seyan Sarayî xo ver danê û qesasê şehîdan kenê. Ma sey gerîlayanê YJA-Starî seba ke şarê kurdî, Kurdîstanî û Rayber Apoyî azad bikerê heta çilka peyêne ya gonîya xo şer bikerê.''