Aktîvîsta TJA Halîme Baayram derheqê 25ê Teşrîna Peyêne Roja Têkoşînê Vera Şîdetê Serê Cinîyan de ANFyî rê qisey kerd.

Bayrame da zanayene ke ê do meclîsanê Cinîyan ê HDPyî reyde bi şîarê 'Vera şîdetê dewlete-camêrdan, şer û xizanîye ma her ca de yê' 25ê teşrîna peyêne de meydanan de bibê.

Bayrame ard ziwan ke ganî şîdetê vera cinîyan sey qirkerdişê cinîyan bêro pênasekerdene û vat: ''Ma zanenê ke nê 25ê teşrîna peyêne de cinîyî do bi hêzê xo xo rêxistin bikerê û vera pêro îtîrazan vejîyê meydanan. Têkoşînê cinîyan vera sîstemê serdestîya camêrdan îtîrazê xo dîyar bikero.''

Bayrame îfade kerd ke cinîyî do qetî vera sîstemê serdestîya camêrdan bêveng nêmanê û vat: ''Cinîyî her roje kişîyenê û key vera ney îtîraz bikerê yenê muhakemekerdene. Hînî pêro dinya de têkoşînê cinîyan do bêmabên dewam bikero, nêvindero. Seserra 21. do biba seserra cinîyan. 25ê Teşrîna Peyêne Roja Têkoşînê Vera Şîdetê Serê Cinîyan de ma do vera awanîya netewe-dewlete vejîyayî meydanan.''