Platformê Cinîyan ê Anqara ra Cansu Ertaş da zanayene ke krîzê ekonomîyî ra kiştişê cinîyan bi zêdêr û bi xorinbîyayîşê krîzî zî awil cinîyî karî ra  ameyî vetene. Ertaşe vist vîrî ke se ra 87 cinîyê Tirkîya wazenê bixebitê la peydakerdişê karî de zehmetîye ancenê. 

Ertaşe vat: ''Serra 2019î de 474 cinîyî ameyî kiştene. Îqtîdarî herinda ke verê kiştişê cinîyan bigêro bi polîtîkayanê xo zêdîneno. Tirkîya bi seyan serrî yo ke hetê sîstemê pederşahî ra yeno îdarekerdene.  Bi seyan camêrdî vera cinîyan şîdet kenê, kişenê. Semedo serek ê nê kiştişan ra yew zî ekonomî yo. Camêrdî mesela krîzê ekonomîkî ra hem xo hem zî cinîya xo kişenê. 

Wazenê cinîyî bivisnê mîyanê normêkî, muxafazakar bikerê. Wazenê yewîya cinîyan asteng bikerê. Seba ke cinîyî terefgîrê haştîye yê û wayîrê nê hêzî yê ke dewlete rêxistinbîyayîşê cinîyan ra tersena.

Ma do cinîyan hîna zêde kom bikerê û têkoşînêkê xurtî bikerê. Cinîyî wazenê vejîyê meydanan, heqê xo bipawê la dewlete bi rewşa îstîsnayîye cinîyan asteng kena."