Bi seyan kesî kampa koçberanê kurdan Lavrio de ameyî têhet û înan seba Evîne Ekrem merasîmêkê yadkerdişî kerd.

Merasîmî bi deqayêkê rêzgirewtişî dest pêkerd. Dima Salîha Roj qisey kerd û bale ante ser ke mîyanê komelî de cinîyî sey xizimkarê domanan û rolê namusî yenê hesibnayene û vat: ''Cinîyî xizimkar yan zî namus nîyî. Namus seba ma azadîye yo. Heta peynîye ma seba azadîya cinîye do têkoşîn bikerê.''

Hemwelatîya bîne ya bi nameyê Rûşene vat: "Zaf cayanê dinya de cinîyî yenê kiştene. Semed se beno wa bibo ma qetilkerdişê cinîyan qebul nêkenê. Qetilkerdişê cinîyan yeno manaya qetilkerdişê cuye.''

Qiseykerdişan ra dima bi seyan kesî ver bi cayê qetilkerdişê Evîne rayraşîyayîşêko bêveng kerd. Cayê qetilkerdişê Evîne de findî ameyî tavistene û qerenfîlî ameyî ronayene.

Merasîmê yadkerdişî bi sloganê ''Cinîye, Cuye, Azadîye'' qedîya.

Evîne Ekrem 2 serrî verê cû şîbî Yunanîstan û dadîya 4 domanan bîye. Evîne qata core ya bînaya polîsan de hetê mêrdeyê xo Behzet Elî ra ameye qetilkerdene.