Hemsereka Têgêrayîşê Komelê Demokratîkî (TEV-DEM) yê Kantonê Kobanê  Eyşe Efendî derheqê grevê vêşanîye de ANF’yî rê qisey kerd.

Efendî bale ante xoverdayîşê çalakwanan ser û va çalakwanê grevê vêşanîye xoverdayîşê Mazlûm, Xeyrî û Kemalan ê Zîndanê Amedî êwro reyna dane ciwîyayene. Ma nê xoverdayoxan zerrîweşîye ra silam kenî. Vera tecrîd û grevanê vêşanîye bêvengîya dinya eybêko gird  û dirîtî ya. Çalakwanî û şarê Kurd 7-8 serrî yo semedê heme merdimîye vera çeteyanê DAÎŞ’î şer kenê. La dinya vera xoverdayîşê şarê Kurdî bêvêng a. Bitaybetî zî sazîyê sey Komîteya Vernîgirewtişê Îşkenceyî  (CPT) yê ke xo sey xoser vînenî, ma vînenê ke binê tesîrê dewleta Tirkî û DAÎŞ’î de yê.‘‘

CINÎYA KURDE  XO DINYA RÊ DA NASKERDENE

Efendî vist vîrî ke çalakwanê grevê vêşanîye vera dinya mucadele kenî û va:‘‘ No xoverdayîş heta ewro qet nêameyo nuştene û qet yew fîlm de nêameyo dîyayêne. Semedê wedartişê tecrîdê serê aşitî û merdimîye  bedenê xo dayê vêşanîye ver. Wa şarê Kurdî hole bizano ke dewletî her tim wazenê Kurdan goreyê xo bişuxulnê. Coka Kurdî ganî tena xo û xoverdayîşê xo ra paşt bîgîrê. Ma ganî paştî bidê Leyla Guvene û bi ruhê Guvene û felsefeya Ocalanî tê bigêrê. Ma sey dayîkê şehîdî qerarê serkewtişî Kobanê de girewt. Senî ke dayîka Başûrê Kurdistanije vat ‘‘Ez Kurd a, ez anor a  ez nêremena‘‘ reyna senî ke dayîka Efrînije vat ‘‘Ez bê domanê eşkena bicuwîye la bê welat nê‘‘ ê dayîkê ke domanê xo semedê welatî feda kenê do ser bikewê. cinîya Kurde  bi xoverdayîşê xo heme dinya rê xo da naskerdene.‘‘

Efendîyê polîtîkaya hêrişkarê ye dewleta Tirkî ard vîrî û va: ‘‘Bi serrano semedê qedînayîşê Kurdan xebityenî. Hêrişê vera Efrînî de saetêk de bi 72 teyareyan hêriş kerd.  Rayber Apoyî komploya mîyanneteweyîye pûç vete. Ez bawer kena ke komplo do Efrîn û Vakûrê Sûrîye de zî vînî bikero. Ewro Tirkîya, Îran, Rûsya, Amerîka û Sûrîye xoverdayîşê şarê Kurdî teqîp kenî. Ma bi ruhê Leyla Guvene, Avesta û Barînan xover bidê.‘‘

Eyşe Efendî vat ke DAÎŞ’î kerd vînî la hema nêqdîyayo û qisykerdişê xo wîna qedîna: ‘‘Ma ewro Projeyê netewa demokratîke yê Rayber Apoyî  danê ciwîyayene. Ma do mîyanê çend rojan de vînîkedişê DAÎŞ’î îlan bikerê. La ma zanê ke çeteyî nêqdîyayî û merkezê înan Lîbya yo. Ma veng danê şarê Kurdî bitaybetî zî cinîyan ê Rojawanî wa bi ruhê Guvene û xeta Rayberîye de xoverdayîş xurt bikerê‘‘