Roza Amara Swîsre de dadîya xo ra bîya ke keyeyê ci Mêrdînî ra koç kerdbi.Roza Swîsre de bîya pîl, şîya zanîngeh ûxeylêk welatan de gêraye labelê bire daye ke abigêra welat. Roza agêraye welat û tewra gerîlayan bîye.

Roza Amara wina qala tewrbîyayîşê xo kena: ''Mi Swîsre de xo tim sey beyanî dîyêne.Zanîngeh de mi waşt ke ez xo de tay çîyan bivurna, kulturê xo bişinasna û wina biciwîya. Ez zaf welatan ra gêraye la qet yew welat cigêrayîşanê mi rê nêbi cewab. Qaşo ê welatî xo rê vanê 'welatanê azadan'. Mi xo bi xo vatêne ke o çax çira tede feqîr û kesîrî estê. Çira feqîr tim feqîr ê la zengînî vera benê zengîn. Çira îşxalî zêdîyenê, dewam kenê.

Mi nê mîyanî de Îranî ser o cigêrayîşî kerdî. Îran vera cinîyan zaf teda keno. Senî beno ke cinîyî hema zî yenê recmkerdene. Nê çîyan tesîrê tewrbîyayîşê mi kerd. Wexto ke cinîyî mîyanê na rewşe de ciwîyenê ez senî eşkayêne cuya xo ya rojane  dewam bikera.Cigêrayîşanê xo ra dima ez pê hesîya ke ganî ez vera nînan bi hawayêkê aktîfî têkoşîn bikera. Cayê nê têkoşînî zî Têgêrayîşê Rayberîye yo. Mi zî bire daye ke ez tewra nê têgêrayîşî biba.

Rojhelatê Kurdîstanî de zaf reyan îmkanê ma estbî ke ma nêzdîyê cinîyan bibê û tede qisey bikerê. Mi înan rê persa ke senî vera nê sîstemî têkoşîn kenê. Zafê înan nêeşkayî cewab bidê. Sîstemê Îranî cinîyî vistî mîyanê dêsan la ganî cinîyî ney qebul nêkerê.Ganî cinîyê Rojhelatê Kurdîstanî seba erjanê cinîyan ê vînbîyayeyan tewrê Têgêrayîşê Apoyî bibê.''