Rojnameger-Nuştoxe û Endama Akademîya Jîneolojî Nagîhane Akarsela ke bajarê Silêmanî yê Başûrê Kurdîstanî de bi hemkarîya dewelta tirke û PDKyî ameye qetilkerdene, serrgêra yewên a şehadetê xo de serê mezelê ci de ameye yadkerdene.

Akersele dewa Golyazi ya qezaya Cihanbeyli ya Konya de serê mezelê ci de ameye yadkerdene. Wekîlê Partîya Çep a Keske Adalete Kaya, Zeynepe Oduncu, Sebahate Erdogan û îdarekarê HDK, TJA, HDPyî yê Anqara û Konya, xebatkarê Kovara Jîneolojî, endamê Komeleya Rojnamegeran a Dîcle Firatî û merdimê Akarsele tewrê merasîmê yadkerdişî bîyî. Adalete Kaya ke tîya qisey kerd, vat rayîro roşn ke Nagîhane Akersel akerdo, ê do tim tira şirê.

Reyna Mêrdîn, Adana, Mersîn û xeylêk bajaranê bînan de zî Nagîhane Akersel ameye yadkerdene û semedê xurtkerdişê têkoşînî ame vengdayene.