Fermandara azade ya pêrodayîşî: Armance Goşkar

Gerîlayê HPGyî Mîhralî Yilmazî derheqê fermandaranê YJA Starî ra Armance Goşkar de vat: ''Fermandarîye senî yena kerdene ma şexsê aye de musayî.''

Gerîlayê HPGyî Mîhralî Yilmazo ke warê Botanî de fermandaranê YJA Starî ra Armance Goşkar nas kerd derheqê aye  de qisey kerd.

Mîhralî Yilmazî wina qala Goşkare kerd:  ''2015  de warê Botanî de xoverdayîşêk dest pêkerd. Ez şehîdanê nê xo verdayîşî şexsê Şehîde Armance Goşkar de yad kena. Embaza Armanc Goşkar fermandara serkêşe ya nê xoverdayîşî bî. Ma prosesê fermandarîya Botanî de yewbîn nas kerd. Vindertişê ci yê cuya ma ser o zaf tesîr kerdêne. Ê embazanê ke şerê bajaranî nayîbî doşê xo, felsfeyê ci fehm kerdbi û îradeyê ci vetbi orte ra yew bî. Embazanê ke averşîyayîşê kesayetê cinîya azade de rol kay kerd, înan ra yew bî. Sade bî, zanayîşê xo pare kerdêne. Zengînîya kulturkî ya ka elewîtîye ra girewtbî cuya ci de xo bewlî kerdêne. Heyacano pîl afernayene û hemrayîya manevî ramojnayêne. Aye reyde ciwîyayîş, vînayîş, eşnawitiş û şahîdbîyayîş ercêko pîl bi Mucadeleyê cinîyan bi tewirê xo yê cuya rayra berd. Hemrayîye de tim paştîya çewî/e ci ra pêt bî. Hetê îdeolojî ra tecrubeyê ci zaf bî û zanaye bî. Bi tecrubeyê şer û cuya ameybî têhet.

Herekol de kampêka ma ya zimistanî bibî. Uca des rojî ders da ma. Qala tarîxê azadîya cinîyan kerde. Badê her dersî eciz nêbîye ma dir qisey kerd. Nayî fermandarîya ci zî ramojnayêne. Cîhazî ser o xoverdayîşê bajaran rê fermandarîye kerde. Tecrubeyê xo înan rê pare kerdêne û moral dayêne înan. Xoverdayîşê xoîdarekerdişî rê koordîneyîye kerde. Şewe û roje gureyayêne. Her hela ci dekerde ravêrtêne. Seba ke serkewtişî ra paştîya ci pêt bî zor nas nêkerdêne. Wîna aktîf û rolê pîlî girewtişê aye ma ser o zî zaf tesîr kerdêne. Fermandarîye senî bena ma şexsê aye de musayî.''