Fermnadara YJA-Starî Ferîde Alkane, derheqê hemleya ke serra 2019 de herêma Botanî de bi nameyê Hemleya Fermnadare Medya Mawa û Fermandar Rizgar GeverÎ ameye destpêkerdene  û hêrişanê dewleta Tirkî kerd.

Garîla Her Ca De Dano Piro

Alkane  nê vatî: ''Serra 2019 de ma sey gerîlayanê Botanî na hemle dabi destpêkerdene û hema zî dewam kena. Hemleya ma Sêrt, Şirnêx û Mêrdîn de dewam kena. Beno ke heta nika goreyê pawitişê şarê ma û rêxistina ma zaf tesîrên nêbî la çalakîyê tesîrên ameyî viraştene û gamê tesîrênî ameyî eştene. Armancê hemleya ma no yo ke  polîtîkayê îşkence û asîmîlasyonê serê şarê ma çin bike. Hemleya ma do biba pîl û bi ruhê 15'ê Tebaxe tesîro ke fermandarê ma Mahsum Korkmazî kerd, do bike. Dişmen polîtîkaynê şerî yo taybetan xebitneno. Mîyanê şarî de dişmen zuranê sey 'Gerîla nêmend, hînî çewî tewrê gerîlayî nêbeno, gerîlayî koyan de mendî nêeşkenî bêrê şaristanan' vila keno û bi nê hewayî xîret keno ke  şarî rê tesîr bike.  La gerîla çend şino xurter beno her ca de dano dişmenî ro.

Gerîla Xo Newe Keno

Cayanê ke dewleta Tirkî vat, 'Gerîlayî nêeşkenî bêrê tîya', de heta noqtayanê gêrayîşî dema çalakîyî viraştî. Polîtîkayê dewletî bi nê çalakîyan ameyî çinkerdene. La semedê firsendanê çapemenîye ma nêeşkayê xeberan bidê. Gerîlayî key biwazî eşkenî bidê piro. Vatişê dişmenî yê 'Gerîlayî koyan de mendî' zî pê eylemanê sabotajan, dafikan ame çinkerdene. Ma hewce dî ke metodê gerîlayî zî bikê newe. Gerîlayî wareyêko hera de wayîrê înîsîyatîfî yê.

Dewleta Tirkî Metodanê Leyşinan Şuxulnena

Dişmen şerêko gemarin dano, sebebê ci zî no yo ke zaneno xo bi xo qedîneno. Dişmen şero taybet bi hewayêkê pîtî keno. Pê zuran, medya hişê merdiman vurneno, şero psîkolojîk keno. Kurdistan de şero pît dano, pê pêroyê teknîkanê xo hêriş keno. Par waşt ke debikewe Kato Jîrka, labelê zafê vinbîyayîşî dayî û xo tepîya ant. Ganî şarê ma bizano ke nê şero gemarin senî yeno kerdene. Roje çin a ke serê Kurdistanî de F-16 û F-35'î nêgêrî. Dişmen Kurdistan de çekanê kîmyewî xebitneno. Dinya zî çimê xo anêkena nêewnîyena ci. Eke babete gerîla bibe, exlaq çin beno. Dewleta Tirkî pêroyê metodanê gemarinan xebitnena."

Wa Şarê Ma Vera Kayanê Dişmenî Aye Bo

Dewleta Tirkî par propaganda kerd vat 'Ma dekewtî Herekol.' Rast o, ê dekewtî Herekol, la nêeşkîyê tira bivejîyê, derbeyî werdî û mecbur mendî ke xo tepîya biancî. Pê şerî dewleta nêeşkena înîsîyatîfê gerîlayî bişikne yan zî gerîla eciz bikê. Ancax kena ke gerîla hîna xurtêr bike. Şehadet ma keno pîl. Îstîxbarat keno ke şarê ma biko ajan, key şarê ma qebul nêkero surgun keno, kar nêdano ci, dekeno zîndan. Mabênê şarê ma de bi zorî ajanan weye kenê. Ganî şarê ma bala xo bide nê mesele ser, înan deşîfre bike. Gerîlayî hêvîya şarê ma yê, amayoxê şarî yê, îradeyê şarî yê. Her kes naye baş zaneno.

Ganî Ciwanê Kurdan Verê Xo Bidê Koyanê Kurdistanî

Teknolojî zaf aver şîyo. Gerîla zî goreyê naye xo keno newe, vurneno. Gerîlayî verba teyarayanê keşfî, taqîbê teknîkî yê erdî û hewayî xo kenê newe.  Erd zî goreyê naye xebitnenê, şer de zê goreyê naye însîyatîf gênê. Bingeyê nê hêrişanê pîtan ê dewleta Tirkî de xoverdayîşo ke serranê 2015-2016 de şaristanan de ame meydan, esto. Nê hêrişan de faşîzm derbeyêka pîle girewte, nefretê dewleta Tirkî yê verba Kurdan bîyo zêdêr. Tewrbîyayîşê gerîlayî  zêde yê. Çekê gerîlayanê ke şehîd bîyî, veng nêmaneno. Na dewaya şarî ya, dewaya cuye ya. Têkoşîn çend zêde bibo, ma serkewtişî ra hîna benê nêzdîyêr. Ganî ciwanê Kurdî wina biewnê nê mesele, serkewtişî rê bawer bikê û verê xo bidê koyan."