Koordînasyonê YPS-Jinî bi eşkerayîya nuştekîye fermandaran ra Zeryan Denîze serrgêra 1‘ine ya şehîdbîyayîşê aye de yad kerde.

Eşkerayîye de ame vatene, “Serrgêra şehîdbîyayîşî ya fermandara YPS-Jinî Zeryan Denîze, ke xoverdayîşê xoserîye de bîye destan û qehremane, fermandara cinîyan ê  azadan û ciwanan ê azadan, ma Koordînasyonê YPS-Jinî, aye bi hesrete, bi heskerdiş û hurmet yad kenê.”

YPS-Jinî bale ante serê ci ke Zeryane xoverdayîşê bajarî yê Şirnexî de wayîrê pareyêka girde bîye. Eşkerayîye de wina ame vatene: “Vera hêrişanê serê bajaranê Kurdistanî yê ke dewleta TC’yî ya qirkere û faşîste bi çarçewaya planê çokşiknayîşî de da destpêkerdene, ciwananê Kurdî bajaran de xo ver da. Vera bi hezaran esker û polîsanê dişmenî yê serê bajaran grubêk ciwan, ke hûmara înan se kesî zî çin ê bîyî, xo ver ro da. Nê xoverdayîşan de derbê giranî dayî dişmenî ro. Xoverdayîşê bajarê Şirnexî de emanîya dişmenî birnaye. Xoverdayîşê bajarê Şirnexî de, nê derbeyê ke ameyê dayene bi dişmenî ro de hemraya ke wayîrê para tewr girda hemraya ma Zeryan a. Ciwanîya xo de Amed de tewrê mîyanê têgêrayîşê azadîye bîye û tim ciwan mende. Hem ciwîyayîşî de û hem zî wareyê têkoşînî de bi zerrîtenikîye, bi tewirê xo yê qerardarî zerrîya hemra û şarê ma de cayê xo girewt.”

YPS-Jinî vat, “Xoverdayîşê Zeryan a ke heta bîhna xo ya peyêne şer kerdo, xo ver ro dayo û mewzîyan ra remaya mewzîyan, seba ciwanan dawetêkê wareyanê têkoşînê azadîye yo. Koyan, zîndanan, bajar û meydanan de bi xoverdayîşê rijnayîşê kelayanê kolonyalîstan o. Rêça rayîrê Mazlûm, Kemal, Xeyrî, Ferhad, Egîd, Mehmet Tûnç, Çîyager, Sara, Asya, Rûkene, Bêrîvane û Zeryayan de şîyayîşî de ciwananê Kurdistanî rê fermanêk o.  Bi ciwanîye destpêkerdiş û bi ciwanîye serkewtiş o. Ciwanê Kurdistanî yê ke sembolê ameyoxê azadî û bianorî yê, do çi bêro kerdene û senê bêro ciwîyene roje na roje ya. Siba erey o û na berpirsîyarî û mecbûrîye nêeşkena bêra taloqkerdene. Nika tam wextê ci yo ke merdim bibo Çîyager, bibo zeryane. Ma hêzê serkêşî yê ciwananê Kurdistanî YPS-Jinî şexsê fermandara xo Zeryane de soz danê heme şehîdan û şarê xo ke ma do têkoşînê xoverdayîşê xo yê seba welat û cuyêka azade xurt bikerê, bi her şertî bibê Mazlûm, Bêrîtane, Çîyager, Zeryane û paradîgmaya azadîye ya Rayberîya xo bica bîyarê.”