Seba azadîya Rayberê Şarê Kurdî Abdullah Ocalanî û çareserîya meseleya kurdan tepişteyê dewaya PKK û PAJKî 25 rojî yo grevê vêşanîye kenê. 

Tepişteya Zîndanê Şakranî Fîgene Şahîna ke grevê vêşanîye de ya, bi telefonî keyeyê xo de qisey kerd û pare kerd ke moralê înan berz o.

Fîgene Şahîn wina vat: ''Kelecanêko pîl est o. Ez sere de Rayber Apo, embazanê ma yê grevê vêşanîye û şarê ma her kesî rê selam kena. Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de ma dest pê grevê vêşanîye kerd. Rewşa ma hol a, moralê ma berz o. Pêro zîndanan de rewşe wina ya. Zerrîyê ma yew ê. Ma do bi na bawerî cewabê prosesî bidê. Bi nê kelecanî ez pêro embazan û şarê ma yê kurdî selam kena. Ez her kesî rê serkewtiş wazena. Roje do biba roja ma.''