Şaristanê Frankfurtî yê Almanya de hetê Meclîsê Cinîyan ê Amara û Women Defend Rojava ra panelê bi babeta ''Qirkerdişê cinîyan û vera ney têkoşîno hempar'' ame kerdene.

Panel de Platformê Cinîyan ê Vera Feminizide çimdarîyê xo yê serê dewaya Besma A. vila kerdî ke 2 serrî verî amebî qetilkerdene. Platformî pare kerd ke mehkeme şîdetê vera cinîyan nerm kerdo û hetê camêrdî de vinderta. Platformî da zanayene ke ganî qirkerdişê vera cinîyan rojdem de bêrê tepiştene û derheqê babete de hîsgerîyêka komelkîye bêra awankerdene.

Dima nameyê TJK-E ser o Zeynepe Zelal qisey kerd û pare kerd ke ê vera sîstemê serdestîya camêrdan têkoşîn kenê û xîret kenê ke nê têkoşînî ser o yw hişmendîye biafernê. Zelale derheqê kampanya, aktîvîte û çalakîyanê TJK-E de agahîyî dayî. 

Zelale ard ziwan ke eke cinîyî bibê hişmendîya xurtêre sîstemê serdestîya camêrdan do raştê têkoşînêkê xurtî bêro. Zelale vat: ''Seba têkoşînêkê xurtêrî ganî rêxistinîya cinîyan zî bêra xurtkerdene.''

Zelale venga pêro cinîyan da ke tewrê Hemleya 'Bi Jin, Jiyan, Azadî Ver Bi Şorişê Cinîyan' bibê.