Fuarê Kitaban ê Rojawanî rixmê astengîyan zî eleqeyêkê pîlî vîneno

Fuarê Kitaban ê Şehîd Herekolî yê Rojawanî rixmê astengîyanê TC-PDK-ENKS-Rejîmê Baasî, rixmê propagandaya reşe û vaya zêde ya kargoyan zî dewam kena. 

Fuarê Kitaban ê Şehîd Herekolî yê Rojawanî Merkezê Kultur û Hunerî yê Mihemed Şêxoyî yê Qamişloyî de dest pêkerd. Fuarî pê şîarê 'Kitabî çimeyê cuye yê' dest pêkerd. Rojawna, Başûr, Vakur, Rojhelatê Kurdîstanî, Sûrîye, Îtalya, Misir, Iraq, Tunus, Lubnan û Tirkîya ra 44 weşanxaneyî tewrê fuarî bîyî. Fuar de 120 hezar kitabê 13 hezar nuştoxan yenê pêşkêşkerdene.

Fuar de tewr zaf beşê Efrînî bale anceno. Emser nuştoxanê Efrînî 54 kitabî çap kerdî. Nê beşî de bernameyê bi nameyê 'Seba Efrînî û şarê Efrînî çîyêk binuse' esto. Nuşteyî dima do bêrê dayene efrînijanê ke Şehba de kampan de manenê.

Fuar de semedê domanan beşêko taybet esto. Domana 12 serre Rona Egîd ewnîyena nê standan. Rona vana: ''Verî Rojawan ke kitabê seba domanan kêm bîyî, kitabxaneyê domanan çinbi. Coka mi waşt yewî abikera. Babîyê mi û keyeyê mi xeyalê mi ardî ca. Pê pereyanê kitabanê ke mi rotî ez do seba domananê Rojawanî kitaban bihêrîna.''

Dewleta tirke nêverda ke xeylêk weşanxaneyê Vakurê Kurdîstanî û Tirkîya twrê fuarî bibê.

Başûr de semedê fotografanê Musa Anterî û Rûstem Cûdîyî hêzanê PDKyî dest na tay kitabanê Weşanxaneyê Aramî ser. Mesuldaranê weşanxaneyî vat: ''Fotografê nê kesan Tirkîya de bîle qedexe nîyê la PDKyî nê asteng kerdî.''

Tay terefgîrê ENKSî zî destpêkî ra nata vera fuarî propagandaya reşî kenê.

Hêzê rejîmê Sûrîye zî nêverdenê Heleb û Şamî ra kitabî bêrê.

Beşdarê fuarî zêdêr eleqe mojnenê romanan, kitabanê tarîxî, cigêrayîşî û felsefe. 

Fuar de 130 hezar kitabî estê. Mîyanê nînan de kitabê Rayberê ŞArê Kurdî Abdullah Ocalanî, kitabê serê Efrînî, kitabê Menaf Osman û Rûstem Cûdîyî estê.