Qirkerdiş û şîdetê serê cinîyan wextê îqtîdarê AKPyî dilab-hîrlab zêdîyayî. Seba ke hukm polîtîkaya bêcazayîye rayra beno, her aşme de bi desan cinîyî hetê camêrdan ra yenê qetilkerdene. Aktîvîsta Têgêrayîşê Cinîyan ê Azadan (TJA) Hatune Yildiz derheqê babete de ANFyî rê qisey kerd.

Yildize ard ziwan ke ê sey TJA û sazîyanê  cinîyan ê bînan  xo rexnê kenê ê seba vernîgirewtişê şîdet û qetilkerdişê cinîyan role xo hol kay nêkenê û vat dewlete nêverdena ke sazîyî wezîfeyê xo bîyarê ca. Yildize bale ante qirkerdişê cinîyan ser û vat: ''Ganî vera  nê qirkerdişan şar werzo payan ser. Seba ke nê hêrişî pê destê dewlete benê, seba ke na yew polîtîkaya dewlete ya destûr nêdîyeno xebatenê ma. Cinîyî pîya bi tersê camêrdî nika tersê dewlete ra zî nêeşkenê xo biresnê ma.  Rîyê nînan ra çew nêeşkeno ke se ra se qirkerdişê cinîyan vindarno. Ganî ma xo biresnê heme cinîyan. Bitaybetî zî Amed de ganî heme cinîyî bêrê tehêt û têkoşînî xurt bikerê. Cinîyê ke camêrdan ra şîdet vînenê muracatê ma kenê. Ma zî seba ke hetê huqûq û psîkolîjî ra paştî bîgêrê înan şawenê Komeleya Cinîyan a Rosa. Ma dima ra zî rewşa înan teqîp kenê û înan têna nêverdenê.''