Fermandranê YJA Starî ra Emîne Erciyes û Eyleme Ronî  bi wesîleya Heweteyê  Qehremanîye şexsê Egîd û Mazlûmî de ANFyî rê tradîsyonê qehremanîye ercna.

Fermandranê YJA Starî Emîne Erciyes vist vîrî  ke 21ê adare ra heta 28ê adare sey Hewteyê Qehremanîye yeno zanayene ke no prosesê Mazlûman ra heta Egîdan o. Erciyese vat: ''Koyanê Kurdîstanî de  kurlturêkê qehremanîyo ke ma tira venê kulturê Egîdî esto. Egîdan vera hêrişanê vera şarî û serdestan bi îradeyê xo sere wedarit û komel pawit. Nimûneyê naye tarîxê Kurdîstanî de zaf o. Derwêşê Ewdî înan ra yew o. PKK qehremanîya tarîxkî kirişte tîtik. Hemra Mazlûm zî kadroyêko rayber bi. Çalakîya ke ey do biviraştayêne do kulturê xoverdayîşî biardêne ra. Vera teslîmîyetî ke ameyêne waştene şexsê Mazlûman de xoverdayîşê qeheremanîye ame afernayene. Xoverdayîşê ke bi hemra Mazlûmî dest pê kerde bi Kemallan, Xeyrîyan û Ferhatan dewam kerd. Îredeyo ke bi çilke çilke xo helinayîşa ame afernayene mesajekê  xoverdayîşî bi ke zîndanan ra dîyayêne koyan. Hemra Egîdî zî  15ê tebaxe de bi guleyê verêne koyan ra cewabê mesajê zîndanan da. Bi nê guleyê verênî prosesê qehremanîye yê Kurdîstanî dest pêkerd û heta ewro ame.  Xora nê hewteyê qehremanî ye de morê cinîyan zî esto. Zekîye Alkan ra heta Rahşane Demîrel, Ronahî, Berîvan  Sema Yuce hemrayanê ma yê cinîyan zî bi çalakîyanê xo warîyê xoverdayîşî vejîyayî û mîyanê qerhemanan de cayê xo girewt. Reyna wextê komployê 99î de zî hetê bi desan hemrayan û şarî bi şîarê 'şima nêeşkenê tîja ma tarî bikerê' destanê qehremanîye ame nuştene. Dinya de çîyo wînayên çîn o. No xoverdayîş çar leteyanê Kurdîstanî ra vila bi. Ruhê qehremanîya pede pede fedaîye afernaye û PKK ruhêko newe fîna dest.''

Fermandranê YJA Starî ra Eyleme Ronî zî bale ante ser ke  dewro verêne ra heta nika her gama PKKyî de morê qehremanîye esto û vat: Tarîxê PKKyî de xeta Mazlûm û  Egîdan vejîyane vernî. Malûmî Egîd kerd rêxistinkerde û Egîd zî wayîrê mîrasê  Mazlûmî vejîya. Şehîdê ma xetêke û îdeolojî îfade kenê. Înan bi tewrbîyayîşê, fedakarîya, têkoşîn û giredayîşê xo yê azadîye xetêke û bi tewirê cuya xo zî modelê merdimê azadî aferna. Rayberê Şarê Kurdî Ocalan gama ke vano ke 'Ma camêrdo Egît û cinîya sey Zîlane afernayê' karekteranê ke bîyî komelkî înan îfade keo. Nika zî semedê şarê Botanî eke ti vejê fermandar Egîd awe ke herikîyena bîryena. Vindertişê hemra Egîdî şarî de wina yew giredayîye veto werte. Qehrenamîya ke ma vanê tam zî naya. Rayberbîyayîş sey Egîdî bîyayîş o. Qehremanî biney zî ameyoxî rê mîras verdayîş o. Egîdan û Zîlanan şexsê xo de ramojna ke ganî komelo newe senî bo. Ganî ma wayîrê nê mîrasî bivejê. No deynê ma pêrun o.''