Platformê Cinîyan ê Dêrsimî seba Gulîstane Dokuya ke 22 rojan ra nata vînbîyaye ya eşkerayîyêke kerde. Eşkerayîye de ame vatene ke tehqîqatê serebûtê Gulîstan Doku de hema zî netîceyêk nêame girewtene. Eşkerayîye wina dewam kerd: "Derheqê cigêrayîşan de rayaumûmîye reyde zanayîşî nênê parekerdene."

Eşkerayîye de ame vatene ke xebatanê cigêrayîşan ra hema netîceyêk nêame girewtene. Reyna eşkerayîye de ame balantene ke Platformî seba ke kamerayî hîna baş bêrê cigêrayene û seba ke mamostayê Gulîstane yo ke Gulîstane derheqê ci de waştişname dabi de tehqîqat bêro akerdene muracat kerd.

Eşkerayîye de wina ame vatene: ''Ganî Gulîstane bêra dîyene û eke xo kişt zî çi bi sebebê ci ganî bêro cigêrayene."

Derheqê îstasmaranê domanan o ke rojanê peyênan de Dêrsim de bîyî zêde de wina ame vatene:

"Tehqîqatê nê serebûtî de nameyê zaf wezîfedarê asayîşî ravêrenê. Eke nê serebûtî nê semedî ra bêrê nimnayene no keno ke îstîsmarî do zêde bibê. Ganî nê dewayê îstîsmarî zî bi hawayêkê eşkera bêrê kerdene. "

Gulîstane Doku Kotî De Ya?

Platformê Cinîyan ê Dêrsimî derheqê Gulîstane Dokuya de 22 rojî yo ke vînîbîyaye ya de nê persî persayî:

Gumandaro yewîn Zeinal Abarakov ça de yo?

Derheqê mamostayê Gulîstane de tehqîqatêk ame akerdene?

Dêrsim de se beno? Nê serebûtan de çend wezîfedarê umûmîye îfade danê? Kamyew tebdîrî ameyî girewtene?

Tehqîqatê serebûtê îstîsmarî yê Pêrtagî kamyew aste de yo? Domanê mexdurî yenê pawitene?