Têkoşîn Botana ke Başûrê Kurdîstanî ra tewrê gerîlayanê YJA-Starî bîye behsê tewrbîyayîşê xo yê PKKyî û manaya ci kerd.

Têkoşîn behsê birayê xo Botan Germîyan kerd ke Xakurkê de herêma Başûrê Kurdîstanî de şehîd bi. Têkoşîne vat: "Oyo ke merdim eşkeno seba şehîdêkî biko peyê ci de şîyayîş û hewn û xeyalê înan caardiş o. Birayê mi Botanî ra dima ez derheqê gerîlayan de zaf çîyî musaye. Botanî PKK mi rê da şinasnayene."
Têkoşîne şaristanê Kelarê yê Başûrê Kurdîstanî ra ya û serra 2013î de tewrê gerîlayan bîye. Têkoşîne vat: "Ez bi xo perwer bîye. Perwerîye caardişê berpirsîyaran a. Ez tewrê PKKyî bîye. Xora PKK keyeyê birayê mi bi. Çîyo bêhempa yo ke merdim koyan de bi nê hawayî ciwîyeno. Sîstem keno ke cuyêka sey mergî cinîyî do biciwîyê. Mîyanê PKKyî de merdim zaneno ke ciwîyeno 3u manay cuye fam keno."

Têkoşîne pare kerd ke hewn û xeyalê ci bi ke rojêke Botan reyde heman çeperî de vera dişmenan şer bika û vat ke şer û cuya cinîyan û camêrdan koyan de temsîlê cuya biwijdane û exlaqî yo. Têkoşîne vat: "PKK hînî partîbîyayîşî ra vejîya û bi îdolojîyêkê cuye."