Gerîlaya YJA Starî Cudî Qamilşloya ke 2019 de Dêra Zorê ratewr gerîlayan bîye derheqê tewrbîyayîşê xo yê gerîlayan de qisey kerd.

Cudî Qamişlo vat: ''Ez serra 2019î de Dêra Zorê ra tewrê gerîlayan bîya. Badê tewrbîyayîşî ez kurdkî musaya. Çîyo ke mi ser o zaf tesîr kerd raştîya Rayberîye ya. Tewrbîyayîşê partîye ra dima zî çîyo ke tewr zaf bala mi ante hemrayîya gerîlayan bî. Seba ke her hemra semedê heme hemrayan fikiryeno mi rê zaf rind ame.''

Cudî Qamişlo ard ziwan ke komelo ke a tira ameya bitaybetî zî Dêra Zorê de cinîyî bêerc bê û vat: ''Eke yew kêna bîye ezeb yena zewijnayene. Heta zewajî cinîye keye ra nêeşkena vejîyo teber. Eke vejî zî ganî babî yan zî birayê ci kişta aye de bê. Cinîye rê bawerî çîn o. Cinîye wirdî yena vînayene. Hêzê cinîyî muhîm nîno vînayene. Goreyê komalî cinîye  têna semedê karê keyeyî û miqatbîyayîşê domanan esta.''

Qamişloye ard ziwan ke bado ke a tewrê gerîlayan bîye dî ke cinîye eşkena her çî bikero û wina dewam kerd: ''Gama ke ez tewrê sefanê partîye bîya mi dî ke PKK de cinîye senî ercîyayî ya.  Raşta zî PKK de cinîye zaf ercîyayî ya. Ma bi îradeyê xo cuya xo bewlî kenê û ma eşkenê cewab bidê heme hêrişanê vera cinîyan, ma eşkenê şer bikerê. Bi qala kilme ma sey cinîye eşkenê PKK de her çî bikerê. Tîya ca û ercê cinîye zaf cîya yo.''

Cudî Qamişlo bale ante ser  ke fîkrê Rayberê Şarê Kurdî Abdullah Ocalanî têna semedê kurdan nê semedê heme merdimîye muhîm ê û vat: ''Verî ke ez tewrê gerîlayan bîya mi dî ke embazê ereb, alman, îngîlîz û xeylêk neteweyanê cîyayan ra senî tewrê partîye benê. Fikrê Rayber Apoyî semedê heme şaran ê bindestan ê.''

Cudî Qamişloya ke bi kurdkî dest pê qiseykerdişî kerd erebkî qedîna. Qamişlo wina veng da ciwan û cinîyan ê ereban: ''Rayber Apo  û PKKyî nas bikerê. Xebaranê zûran ê dişmanî rê bawer mekerê. Nê koyan de cuyêka bianore û azade esta. Ez veng dana ke wa her kes tewrê na cuye bibo.''