Gerîlayanê YJA-Starî rojnuşteyanê xo de seba  15ê Sibate Rayberê Şarê Kurdî Abdullah Ocalanî rê mektubî nuştî.

Gerîlayê YJA-Starî mektubanê xo de bale ancenê Komployê Mîyanneteweyî ser û ey sey tarîtîya roje danê şinasnayene. Mektuban de yeno parekerdene ke 'Kesêk do nêeşko roja înan tarî bikero.'

Gerîlayê YJA-Starî Berfîne Ararat û Dîcle Avaşîn ê ke şehîd bîyî rojnuşteyanê xo de qala nê çîyan kenê.

Gerîla Berfîne Ararat 8ê hezîranê 2019î de Dêrsim de şehîd bîye. Ararate rojnuşteyê xo de wina vana: ''Seba mi PKK cuyêka newîye ya ke Rayberîye reyde hende rind bîye.''

Ararate vera esaretê Rayber Apoyî bale ancena dewaya şarê kurdî ser û vana: ''Şima do qet nêeşkê dewa vindarnê û vilikanê azadîye çin bikerê. Reyna roja naletbîyaye û roja reşe xo dibare kena. Şarê ma yo xoverdayox qet na rewşe qebul nêkenê. Serekê mi azadîye her tim zerrîya ma de ganî keno û ez zî seba resayîşê dewaya raste têkoşîn kena.''

Gerîle Dîcle Avaşîn 8ê tebaxa 2016î de Xakurkê de şehîd bîye. Avaşîne rojnuşteyê xo de wina vana: ''Seba famkerdişê Serekatîye ganî ma fikranê ci bi pratîkan bîyarê ca. Wexto ke ez kewena tengasîye her wext fikrê ey û dewaya ey zerrîya mi roşnî kenê.''