4ê Nîsane rojbîyayîşê Rayber Apoyî pêro Kurdîstan de û dinya de yeno fîrazkerdene. Gerîlayanê YJA-Starî bi wesîleya roje qisey kerd.

Gerîlaya YJA-Starî Çîçeke Botan vat: ''Rojbîyayîşê Rayber Apoyî fîraz bo. Têkoşînê Rayber Apoyî kerd ke ma abigêrê estbîyayîşê xo û têkoşînê azadîye bikerê. Rayber Apoyî tim vatêne 'Cinîyan cuye afernaye.' Pê bîyayîşê Rayber Apoyî rayîrê azadîye seba ma bi roşnî.''

Gerîlaya YJA-Starî Sîlvane Amed rojbîyayîşê Ocalanî yê şaran fîraz kerd û vat: ''Na roje roşanê ganîbîyayîşî ya. Bi felsefeya Rayber Apoyî şarê kurdî ganî bi û dinya de pê têkoşînê xo ca girewt. Ma do bi roşnîya Rayber Apoyî ser bikewê.''

Gerîlaya YJA-Starî Avesta Slava rojbîyayîşê Rayberê Şarê Kurdî Abdullah Ocalanî sey xelisîyayîşê şaran ercna û vat: ''Rayber Apoyî bi taybetî seba ma cinîyan rayîrêko newe kerd a. Rayber Apo viraştoxê komelî û cinîya azade yo. Ma do her tim bi felsefe û qerardarîya Rayber Apoyî têkoşînê xo pîlêr bikerê. Ma do wayîrê têkoşînê azadîye bivejîyê, heta azadîya Rayber Apoyî û şarê kurdî têkoşîn bikerê.''